చరణములే నమ్మితి

చరణములే నమ్మితి - నీ దివ్య చరణములే నమ్మితి
వారధి గట్టిన - వరభద్రాచల - వరదా వరదా వరదా వరదా - నీ దివ్య ||


వనమున ఱాతిని వనితగ జేయు నీ
చరణము శరణము శరణము నీ దివ్య ||

ఆదిదేవ నన్నఱమర సేయకు
మయ్యా అయ్యా అయ్యా నీ దివ్య  ||

పాదారవిందమే - యాధారమని వర
పడితిని పడితిని పడితిని నీ దివ్య ||

వెయ్యాఱువిధముల - కుయ్యాలించి వే రా
వయ్యా అయ్యా నీ దివ్య ||

బాగుగ నన్నేలు - భద్రాచలరామ
దాసుడ దాసుడ దాసుడ నీ దివ్య ||

వాసిగ నన్నేలు వరభద్రాచల
వరదా వరదా వరదా నీ దివ్య ||

పాహిమాం శ్రీరామా

పాహిమాం శ్రీరామా యంటే పలుకవైతివీ - నీ
స్నేహమెట్టిదని చెప్ప- నో హో హో హో  హో హో హో హో


ఇబ్బంది నొంది యాకరి - బొబ్బ వెట్టినంతలోనె
గొబ్బున గాచితివని - జబ్బుసేయక
నిబ్బరముగా నేనెంతో - కబ్బమిచ్చి వేడుకొన్న
తబ్బిబ్బుచేసెదవు రామ - అబ్బబ్బబ్బబ్బబ్బబ్బబ్బ || పాహి ||


సన్నుతించువారినేల్ల - మును దయతో బ్రోచితివని
పన్నగశాయి నే విని విన్నవించితివి
విన్నపము వినకయెంతో- కన్నడసేసెదవు రామ
యెన్నటికి నమ్మరాదు - రన్నన్నన్నన్నన్నన్నన్న  || పాహి ||


చయ్యన భద్రాచలనిలయస్వామివని నమ్మి నేను 
వెయ్యాఱు విధముల నుతి-చెయ్యసాగితి
ఇయ్యెడను రామదాసుని -కుయ్యాలించి ప్రోవకున్న నీ
యెయ్యూర మేమనవచ్చు - నయ్యయ్యయ్యయ్యయ్యయ్యయ్యయ్యో  || పాహి ||

ఇక్ష్వాకు కుల తిలక

ఇక్ష్వాకు కుల తిలక యికనైనా బలుకవె రామచంద్రా - నన్ను
రక్షింపు మింక నోరఘుకులతిలక - శ్రీ రామచంద్రా ||  ||ఇక్ష్వాకు ||

                                              1

చుట్టు ప్రాక్రారములు సొంపుతో గట్టిస్తి - రామచంద్రా - ఆ 
ప్రాక్రారానికి బట్టె పదివేల వరహాలు రామచంద్రా ||  ||ఇక్ష్వాకు ||
                                             
                                             2

గోపురమంటపాల్ కుదురుగ గట్టిస్తి-రామచంద్రా- నన్ను
గ్రొత్తగజూడక యిత్తఱి బ్రోవుము - రామచంద్రా || ||ఇక్ష్వాకు ||

                                            3

భరతునకు జేయిస్తి పచ్చల పతకము రామచంద్రా ||
పతకానికిబట్టె పదివేలవరహాలు రామచంద్రా || ||ఇక్ష్వాకు ||

                                            4

శత్రుఘ్నునకు నేను జేయిస్తి మొలత్రాడు రామచంద్రా ||
మొలత్రాటికి బట్టె మొహరీలు పదివేలు రామచంద్రా ||  ||ఇక్ష్వాకు ||
                                          
                                           5

లక్ష్మణునకు వేస్తి ముత్యాల పతకము రామచంద్రా - ఆ
పతకానికిబట్టె పదివేల వరహాలు రామచంద్రా || ||ఇక్ష్వాకు ||

                                           6

సీతకు జేయిస్తి చింతాకు పతకము రామచంద్రా ఆ
పతకానికి బట్టె పదివేల వరహాలు రామచంద్రా || ||ఇక్ష్వాకు ||

                                          7

వాహనములు మీకు వరుసతో జేయిస్తి రామచంద్రా - జగ
న్మోహన సంకెళ్ళు వేసిరి కాళ్ళకు రామచంద్రా || ||ఇక్ష్వాకు ||

                                           8

కలికితురాయి నీకు పొలుపుగ జేయిస్తి రామచంద్రా
కులుకుచు దిరిగెద-వెవరబ్బ సొమ్మని రామచంద్రా || ||ఇక్ష్వాకు ||

                                           9

మీ తండ్రి దశరథ మహారాజు పెట్టేనా రామచంద్రా లేక -
మీ మామ జనక మహారాజు పంపెనా రామచంద్రా || ||ఇక్ష్వాకు ||

                                         10

అబ్బ తిట్టితినని యాయాసపడవద్దు రామచంద్రా - ఈ -
దెబ్బల కోర్వక అబ్బ తిట్టితి నయ్య రామచంద్రా || ||ఇక్ష్వాకు ||

                                        11

ఏటికిజల్లిన నీళ్ళాయె నా బ్రతుకు రామచంద్రా - నేను
అధమునికంటెను అన్యాయమైతిని రామచంద్రా || ||ఇక్ష్వాకు ||

                                        12

సర్కారు పైకము తృణముగ నెంచుమీ రామచంద్రా ఈ
దెప్పరమున గాచి యప్పుదీర్చుమయ్య రామచంద్రా ||   ||ఇక్ష్వాకు ||

                                         13

కౌసల్యాపుత్రక దశరథతనయ శ్రీరామచంద్రా - కావు
క్షేమమున భద్రాద్రిలో నెలకొన్న - శ్రీరామచంద్రా ||  ||ఇక్ష్వాకు ||

                                        14

భక్తులందఱిని బరిపాలించెడి రామచంద్రా - నీవు
క్షేమముగ శ్రీ రామదాసుని నేలుము రామ                 ||ఇక్ష్వాకు ||

                                           * * *

తారకమంత్రము కోరిన దొరికెను

తారకమంత్రము కోరిన దొరికెను
ధన్యుడనైతిని ఓరన్నా
మీఱిన కాలుని దూతలపాలిటి
మృత్యువె యని నమ్మర యన్నా

మచ్చికతో నికబాతకంబుల
మాయలలో బడబోకన్నా
హెచ్చ్గ నూటయినిమిది తిరుపతు
లెలమి దిరుగ బని లేదన్నా

ముచ్చటగా నా పుణ్యనదులలో
మునిగెడీ పని యేమిటి కన్నా
వచ్చెడీ పర్వపుదినములలో సుడి
వడి పడుటలు మాను మికన్నా

ఎన్ని జన్మముల నైంచ్ చూచినను
యేకో నారాయణుడనా
అన్ని రూపులై యున్న పరమాత్ముని
నా మహాత్ము కధలను విన్న

ఎన్ని జన్మముల జేసిన పాపము
లీ జన్మముతో విడునన్నా
అన్నిటికిది కడసారి జన్మమిది
సత్యం బికబుట్టుట సున్న

నిర్మల మంతర్లక్ష్య భావమున
నిత్యానందముతో నున్న
కర్మంబులు విడి మోక్షసద్గతిని
గన్నులనే చూచుచునున్న

ధర్మము తప్పక భద్రాద్రీశుని
దనమదిలో నమ్ముచునున్న
మర్మము దెలిసిన రామదాసుని
మందిరమున కేగుచునున్న

నను బ్రోవమని చెప్పవే

నను బ్రోవమని చెప్పవే - సీతమ్మ తల్లీ !
ననుః బ్రోవమని చెప్పవే

నను బ్రోవమని చెప్పు నారీశిరోమణి -
జనకుని కూతురా! జననీ జానకమ్మ

ప్రక్కను జేరుక - చెక్కిలి నొక్కుచు
జక్కగ మరుకేళి - సొక్కి యుండెడి వేళ

లోకాంతరంగుడు - శ్రీకాంత నినుగూడి
యేకాంతమున నేక - శయ్యనున్న వేళ

అద్రిజవినతుడు - భద్రగిరీశుడు
నిద్ర మేల్కొనువేళ నేతరో బోధించి

ఏ తీరుగ నను దయజూచెదవో

ఏ తీరుగ నను దయజూచెదవో - యినవంశోత్తమ రామా
నాతరమా భవసాగర మీదను - నళినదళేక్షణ రామా

శ్రీరఘునందన సీతారమణా - శ్రితజనపోషక రామా
కారుణ్యాలయ భక్తవరద నిను - గన్నది కానుపు రామా

మురిపెముతో నా స్వామివి నీవని - ముందుగ దెల్పితి రామా
మరువకయికనభిమానముంచునీ - మఱుగజొచ్చితిని రామా

క్రూరకర్మములు నేరక చేసితి - నేరములెంచకు రామా
దారిద్ర్యము పరిహారముసేవవె - దైవశిఖామణి రామా

గురుడవునామదిదైవమునీవను - నురుశాస్త్రంబులు రామా
గురువుదైవమనియెఱుగకతిరిగెడు - క్రూరుడనైతిని రామా

తాండవమున నఖిలాండకోటి - బ్రహ్మాండనాయకా రామా
బంధనమున నీ నామముదలచిన - బ్రహ్మానందము రామా

వాసవకమలభవామరవందిత - వారధిబంధన రామా
భాసురవరసద్గుణములు గల్గిన - భద్రాద్రీశ్వర రామా

వాసవనుత రామదాసపోషకా - వందనమయోధ్య రామా
దాసార్చిత మాకభయమొసంగవె - దాసరధీరఘురామా

రామచంద్రులు నాపై చలము సేసినారు

రామచంద్రులు నాపై చలము చేసినారు సీతమ్మ చెప్పవమ్మ
కటకటా వినడేమి సేయుదు
కఠిన చిత్తుని మనసు కరుగదు
కర్మములు నెటులుండునోగద
ధర్మమే నీకుండునమ్మ

1. దిన దినము మీ చుట్టు దీనతతో దిరుగక
దిక్కెవ్వరికనోయమ్మ
దీనపోషకుడనుచు వేడితి దిక్కులన్నీ ప్రకటమాయెను
ఒక్కమాటైనను వినడు ఎక్కువేమని తలతునమ్మ

2. కౌసల్యతనయుడు కపటము చేసినాడు
కారణమిటుండెను కన్నడచేసెదవా
నీ కన్నుల వైభవంబు విన్నవింపగదమ్మ
నీ కన్న దిక్కెవ్వరోయమ్మ


3. దశరాధత్ముజుడెంతో దయశాలి యనుకొంటి
ధర్మహీనుడేయమ్మ
దానజనులకు దాతయతడట
రవికులాంబుధి సోముడితడట