ముదా కరాత్త మోదకం సదా విముక్తి సాధకం
కళాధరావతంసకం విలాస లోక రక్షకం
అనాయకైక నాయకం వినాశితేభ దైత్యకం
నతాషుభాసు నాయకం నమామి తం వినాయకం ౧
నతేతరాతి భీకరం నవోదితార్క భాస్వరం
నమత్సురారి నిర్జరం నతాదికాపదుద్ధరం
సురేశ్వరం నిధీశ్వరం గజేశ్వరం గణేశ్వరం
మహేశ్వరం తమాశ్రయే పరాత్పరం నిరంతరం ౨
సమస్త లోక శంకరం నిరస్త దైత్య కుంజరం
దరేతరోదరం వరం వరే భవక్త్ర మక్షరం
కృపాకరం క్షమాకరం ముదాకరం యశస్కరం
మనస్కరం నమస్క్రుతాం నమస్కరోమి భాస్వరం ౩
అకించనార్తిమార్జనం చిరంతనోక్తి భాజనం
పురారిపూర్వ నందనం సురారి గర్వ చర్వణం
ప్రపంచ నాశ భీషణం ధనంజయాది భూషణం
కపోలదాన వారణం భజే పురాణవారణం ౪
నితాంతకాంతదంతకాంతిమంతకాంతకాత్మజం
అచింత్యరూపమంతహీనమంతరాయకృంతనం
హృదంతరేనిరంతరం వసంతమేవ యోగినాం
తమేకదంతమేవ తం విచింతయామి సంతతం ౫
మహాగణేశ పంచరత్న మాదరేన యో న్వహం
ప్రగాయతి ప్రభాతకే హృది స్మరన్ గణేశ్వరం
ఆరోగతాం అదోషతాం సుసాహితీం సుపుత్రతాం
సమాహితాయురష్టభూతిమభ్యుపైతి సో చిరాత్ ౬
Listen to the song
