విష్ణు సహస్ర నామం శ్లో || 13

శ్లో || రుద్రో బహుశిరా బభ్రుర్విశ్వయోనిః శుచిశ్రవాః
అమృతః శాశ్వతస్థాణుర్వరారోహో మహాతపాః ||

1. రుద్రః = రుద్రుడను దేవత, చందస్సుకు అధిదేవత
2. బహుశిరాః = అనేక శిరములు కలవాడు
3. బభ్రుః = అనేకముగా విస్తరించిన రూపములే తనరూపమయినవాడు
4. విశ్వయోనిః = విశ్వమే తన పుట్టుక స్థానమయినవాడు
5. శుచిశ్రవాః = వినుటయందు నిర్మలత కలిగినవాడు
6. అమృతః = మృతి లేనివాడు
7. శాశ్వతః = శాశ్వతమైనవాడు
8. స్థాణుః = కదలికలేనివాడు
9. వరారోహః = ఉత్తమమయిన జన్మ కలవాడు,
10. మహాతపాః = గొప్పతపస్సు కలిగినవాడు లేక తపస్సే తానైనవాడు.

భావము :

పరమాత్మను చందస్సులకధిదేవతగా, అనేక శిరములు కలిగినవానిగా, సృష్టియందలి వర్ణములన్నియు తన రూపమయినవానిగా, విశ్వమునకు పుట్టుకయైనవానిగ, మరియు విశ్వమునందు పుట్టుచున్నవానిగ, మృత్యువులేనివానిగ, శాశ్వతునిగ, చైతన్యము లేనివానిగ, ఉత్తమమయిన పుట్టుక కలవానిగ, గొప్ప తపస్సు చేయువానిగ మరియు తపస్సే తానయిన వానిగా ధ్యానము చేయవలెను.

కంటి శుక్రవారము

Get this widget | Track details | eSnips Social DNA

కంటి శుక్రవారము గడియలేడింట
అంటి అలమేల్మంగ అండనుండే స్వామిని

సొమ్ములన్నీ కడబెట్టి సొంపుతో గోణము గట్టి
కమ్మని కదంబము కప్పు పన్నీరు
చెమ్మ తోన వేష్టువలు రొమ్ము తల మొల చుట్టి
తుమ్మెద మైచాయతోన నెమ్మది నుండే స్వామిని ||

పచ్చ కప్పురమె నూఱి పసిడి గిన్నల నించి
తెచ్చి శిరసాదిగ దిగనలది
అచ్చెరుపడి చూడ అందరి కన్నులకింపై
నిచ్చె మల్లెపూవు వలె నిటుతానుండే స్వామిని ||

తట్టు పునుగే కూరిచి చట్టలు చేరిచినిప్పు
పట్టి కరగించి వెండి పళ్యాల నించి
దట్టముగ మేను నిండ పట్టించి దిద్ది
బిట్టు వేడుక మురియు చుండే బిత్తరి స్వామిని ||

జగడపు జనవుల జాజర

Get this widget | Track details | eSnips Social DNA

జగడపు జనవుల జాజర
సగినల మంచపు జాజర ||

మొల్లలు తురుముల ముడిచిన బరువున
మొల్లపు సరసపు మురిపెమున
జల్లన పుప్పొడు జారగ పతిపై
చల్లే రతివలు జాజర ||

భారపు కుచముల పైపైగడు సిం -
గారము నెరపెటి గందవొడి
చేరువ పతిపై చిందగ పడతులు
సారెకు చల్లేరు జాజర ||

బింకపు కూటమి పెనగేటి చెమటల
పంకపు పూతల పరిమళము
వేనటపతిపై వెలదులు నించేరు
సను మదంబుల జాజర ||