చక్కని తల్లికి ఛాంగుభళా తన
చక్కెర మోవికి ఛాంగుభళా
కులికెడి మురిపెపు కుమ్మరింపు తన
సళుపు చూపులకు ఛాంగుభళా
పలుకుల సొలపుల పతితో కసరెడి
చలముల యలుకకు ఛాంగుభళా
కిన్నెరతో పతి కెలన నిలుచు తన
చన్ను మెరుగులకు ఛాంగుభళా
ఉన్నతి పతిపై నొరగి నిలుచు తన
సన్నపు నడిమికి ఛాంగుభళా
జందెపు ముత్యపు సరుల హారముల
చందనగంధికి ఛాంగుభళా
విందయి వేంకటవిభు పెనచిన తన
సందిదండలకు ఛాంగుభళా
Listen to this Song here
6 days ago
2 comments:
చరణం చివర పల్లవిని రెండుకాని మూడుకానీ అక్షరాలతో వ్రాస్తే బాగుంటుంది.ఎందుకంటే పల్లవిలోని భావానికి చరణాలలో చెప్పినదానితో వివరణ వస్తుంది.గమనించగలరు.
word verification దయచేసి తీసివెయ్యండి.
అన్ని వందల సంవత్సరాలు ఈ పసిడిరాసులు భాండాగారములో దాగిఉండటమేమి? మన పూర్వజన్మల ఫలమేమో ఈనాడు మనకు ఇంతమంది సంగీతకారులు, గాయకులు, తితిదే వారు, పండితులు మనకు ఈ కానుకలను అడుగకనే అందివ్వటమేమి? అంతా ఆ విష్ణుమాయకాదూ!
Post a Comment