విష్ణు సహస్ర నామం శ్లో 5

శ్లో|| స్వయంభూః శంభురాదిత్యః పుష్కరాక్షో మహాస్వనః
అనాధి నిధనో ధాతా విధాతా థాతురుత్తమః

1. స్వయంభూః = స్వయముగా అవతరించువాడు
2. శంభుః = శాంతి స్వరూపుడు
3. ఆదిత్యః = అదితికి కుమారుడు
4. పుష్కరాక్షః = కల్వ పువ్వు వంటి కన్నులు కలవాడు
5. మహాస్వనః = గొప్ప ధ్వని కలవాడు
6. అనాది నిధనః = మొదలు చివరలు లేనివాడు
7. ధాతాః = సృష్టికర్త
8. విధాతా = కల్పించువాడు
9. ధాతుః ఉత్తమః = = బ్రహ్మ కన్నా ఉత్తముడైనవాడు

భావము :

పరమాత్మ తనంతట తానే పుట్టుచున్నాడు. శాంతియే తానై వ్యక్తమగుచున్నాడు. అదితి కుమారుడు, కలువ పువ్వుల వంటి కన్నులు కలవాడు, శబ్ద స్వరూపమైనవాడు, మొదలు, తుది లేనివాడు. సృష్టి క్రమమును ఏర్పరచువాడు లేక కల్పించువాడు. తానే సృష్టి కర్తయు, అట్టి సృష్టి కర్తకు పాలకుడు అయి ఉన్నవాడు.