విష్ణు సహస్ర నామం శ్లో || 15

లోకాధ్యక్షః సురాధ్యక్షొ ధర్మాధ్యక్షః కృతాకృతః
చతురాత్మా చతుర్వ్యూహశ్చతుర్దంష్ట్రః చతుర్భుజః ||

1. లోకాధ్యక్షః = లోకములను అధిష్టించి యున్నవాడు
2. సురాధ్యక్షః = దేవతలకు అధ్యక్షుడయినవాడు
3. ధర్మాధ్యక్షః = ధర్మమునకు పాలకుడైనవాడు
4. కృతాకృతః = సాధింపబడినది మరియు సాధింపబడనిది
5. చతురాత్మా = నాలుగు విధములుగా వ్యక్తమగువాడు
6. చతుర్వ్యూహః = నాలుగు వ్యూహములు కలవాడు
7. చతుర్దంష్ట్రః = నాలుగు కోరలు కలవాడు
8. చతుర్భుజః = నాలుగు భుజములు కలవాడు

భావము : పరమాత్మను లోకములకు అధ్యక్షునిగను, దేవతలకు అధిపతిగను, ధర్మనునకు నిర్వాహకునిగను, సాధింపబడినది మరియు సాధింపబడవలసినదిగాను, నాలుగు స్థితులుగా వ్యక్తమగువానిగను, నాలుగు వ్యూహములుగా తెలియబడువానిగను, నాలుగు కోరలు గలవానిగను, నాలుగు భుజములు గలవానిగను ధ్యానము చేయుము.