చిత్తగించు మా మాటలు

చిత్తగించు మా మాటలు శ్రీ నరసింహ
చిత్తజ జనక వో శ్రీ నరసింహా ||

చెలరేగి యున్నాడవు శ్రీనరసింహ నీకు
చెలులెల్లా మొక్కేరు శ్రీనరసింహ
సెలవుల నవ్వే రిట్టె శ్రీ నరసింహ నీకె
నెలవు మా వలపు శ్రీనారసింహ ||

చిందీనె చెమటలు శ్రీనరసింహా నిను
జెందీ నది కడుజాణ శ్రీనరసింహ
చెందమ్మిరేకు గోళ్ళ శ్రీనరసింహ
చిందులెల్ల బాడేము శ్రీనారసింహ ||

సిరినెరగౌగిటి శ్రీనరసింహ మంచి
సిరుల యహోబల శ్రీనరసింహా
సిరసెత్తు శ్రీవేంకట శ్రీనరసింహ నీ
సెర బడివారము శ్రీనారసింహ ||

Audio Link : చిత్తగించు మా మాటలు