త్రికరణశుద్ధిగా చేసిన పనులకు దేవుడు మెచ్చును లోకము మెచ్చును
ఒకటి కోటి గుణితంబగు మార్గములుండగ ప్రయాసపడనేల
తనమనసే పరిపూర్ణమైన గోదావరి గంగా కావేరి
కనకబిందు యమునా గయాది ముఖ్యక్షేత్రంబుల సంతతమున్
దినకర సోమ గ్రహణకాలముల తీర్ధాచరణలు చేసిన ఫలములు
తనుదానే సిద్ధించును వూరకే దవ్వులు తిరుగగ మరియేల !
హరియను రెండక్షరములు నిడువిన అఖిల వేదములు మంత్రములు
గరిమ ధర్మశాస్త్రపురాణాదులు క్రమమున చదివిన పుణ్యములు
పరమ తపోయోగంబులు మొదలగు బహుసాధనముల సారంబు
పరిపక్వంబై ఫలియించంగా బట్టబయలు వెదకగనేల
మొదల శ్రీవేంకటపతికిని చేయెత్తిమొక్కినమాత్రము లోపలనే
పదిలపు షోడసదానయాగములు పంచమహా యజ్ఞంబులుని
వదలక సాంగంబులుగా చేసినవాడేకాడా పలుమారు
మది మది నుండే కాయక్లేశము మాటికి మాటికి తనకేల
919. talacharO janlu Itani punya nAmamulu - తలచరో జనులు యీతని పుణ్య నామములు
-
Ragam: revati ( రేవతి)
Composed and sung by : శ్రీ సత్తిరాజు వేణుమాధవ్ గారు
youtube link:
meaning available in this page:
॥పల్లవి॥తలఁచరో జనులు యీతని ...
1 year ago
0 comments:
Post a Comment