యెవ్వరికి గలుగు నేడీ భాగ్యము

యెవ్వరికి గలుగు నేడీ భాగ్యము

నివ్వటిల్ల నన్ను మన్నించితివి గాకా ||

వేడు కౌను నీ గుణాలు వలదులు పొగడితే 

చూడజూడ నీ రూపు సోద్యము లౌను

కూడి వున్నంతదడవు గొబ్బున సంతోసమవును 

యీడ నామనసు నీపై నెంత మురిపితివో ||

నెమ్మది నిద్రించితేను నీ కలలే కందును

కొమ్మలతో నిన్ను బేరుకొని మెత్తును

కమ్మర నీ గురుతులు కాయ మంటితేజొక్కుచు

ఇమ్ముల నీమీది బత్తి యెంత నాకిచ్చితివో  ||

చిగురించు నవ్వులు చేయి నా పై జాచితే 

నిగుడు దమకములు నీవు చేరితే 

తగు నలమేల్మంగ నింతట శ్రీవేంకటేశ్వర 

వొగి నీరతుల కెంత వొడి  గట్టించితివో  || 

evvariki galugu neaDee bhaagyamu

nivvaTilla nannu manninchitivi gaakaa ||

veaDu kounu nee guNaalu valadulu pogaDitea

chooDajooDa nee roopu soadyamu lounu

kooDi vunnantadaDavu gobbuna santoasamavunu

yeeDa naamanasu neepai nenta muripitivoa ||

nemmadi nidrinchiteanu nee kalalea kandunu

kommalatoa ninnu bearukoni mettunu

kammara nee gurutulu kaaya manTiteajokkuchu

immula neemeedi batti yenta naakicchitivoa  ||

chigurinchu navvulu cheayi naa pai jaachitea

niguDu damakamulu neevu chearitea

tagu nalamealmanga nintaTa SreeveankaTeaSvara

vogi neeratula kenta voDi  gaTTinchitivoa  ||