Monday 7 July 2008

చేరి యశోదకు శిశువితడు

చేరి యశోదకు శిశువితడు
ధారుణి బ్రహ్మ కు తండ్రియు నితడు


సొలసి చూచినను సూర్య చందృలను
లలి వెద చల్లెడు లక్షణుడు
నిలిచిన నిలువున నిఖిల దేవతల
కలిగించు సురల గనివో ఇతడు


మాటలాడినను మరియజాండములు
కోటుల వొడమెటి గుణరాశి
నీటగు నూర్పుల నిఖిల వేదములు
చాటున నూరెటి సముద్రమితడు


ముంగిట బొలసిన మోహనమాత్మల
బొంగించే ఘన పురుషుడు
సంగతి మా వంటి శరణాగతులకు
సంగము శ్రీ వేంకటాధిపుడితడు

0 comments:

శ్రీనివాసం నమామ్యహం

 
శ్రీనివాసం - Templates Novo Blogger