కొలని దోపరికి గొబ్బిళ్ళో యదు కుల స్వామికి గొబ్బిళ్ళో
1. కొండ గొడుగుగా గోవుల గాచిన కొండుక శిశువుకు గొబ్బిళ్ళో
దుండగంపు దైత్యులకెల్లను తల గుండు గండనికి గొబ్బిళ్ళో
2. పాప విధుల శిశుపాలుని తిట్టుల కోపగానికిని గొబ్బిళ్ళో
యేపున గంసుని యిడుమల బెట్టిన గోప బాలునికి గొబ్బిళ్ళో
3. దండివైరులను తరిమిన దనుజుల గుండె దిగులునకు గొబ్బిళ్ళో
వెండిబైడి యగు వెంకటగిరిపై కొండలయ్యకును గొబ్బిళ్ళో
గొబ్బి నృత్యము - రాస క్రీడవంటి నృత్యము (గుజరాతీ గర్భా నృత్యం వంటిది)
కొలని దోపరి = కొనని దొంగ (కొలనిలో జలకాలాడే గోపికల వలువల నపహరించినవాడు
కొండ .............. శిశువు = గోవర్ధన పర్వతాన్ని కొనవ్రేల ఎత్తి గోవులను, గోపాలురను కాపాడిన బాలకృష్ణుడు
కొండుక శిశువు = చిన్ని శిశువు
తలగుండు గండడు = తల కోయు శూరుడు
పాప ...............కొపగానికిని = పాపకార్యాశక్తుడైన శిశుపాలుని శతాపరాధములు మన్నించి మితి మీరిన వానిని తన చక్రాయుధమునకు బలిచేసినవాడు
వెండిపైడి యగు వేంకటగిరి = రజతాచలం, మేరు శైలం రెండూ వెంకటగిరియే
భావము :
ఈ గొబ్బిళ్ళ పాట యదుకులతిలకుని నాయకునిగా చేసి కన్నెపిల్లలు పాడినది. గోపికలు తమ ఊహలలో ఉయ్యాలలూగిన వీర శృంగార మూర్తి అయిన వంశీ మోహనుని పారవశ్యంతో గానం చేసినారు. అన్నమయ్య ఆ గోపికలలో గోపికయై ఆడినాడు ; పాడినాడు.
కృష్ణుడు కొలనిదొంగ. జలకాలాడే గోపికల వలువలను అపహరించినవాడు. గోవర్ధనగిరిని ఎత్తి, గొడుగుగా పట్టి గోవులను, గోపాలురను కాపాడినవాడు. దుండగులైన దైత్యుల తలలు తరిగిన దిట్ట. పాపి అయిన శిశుపాలుని తల త్రుంచినవాడు. కంసుని మానసిక చిత్రవధకు గురి చేసి చంపినవాడు. దుర్మార్గులై విర్రవీగిన రాక్షసుల గుండెలకు దిగులైనవాడు. మేరు రజత శైలాలు రెండూ అయిన వేంకటశైలంలో కాపురమై నిలచినవాడు.
ఈ పల్లవాంగనల గొబ్బిపదం మన హృదయాలనే పల్లవింపచేస్తుంది.
919. talacharO janlu Itani punya nAmamulu - తలచరో జనులు యీతని పుణ్య నామములు
-
Ragam: revati ( రేవతి)
Composed and sung by : శ్రీ సత్తిరాజు వేణుమాధవ్ గారు
youtube link:
meaning available in this page:
॥పల్లవి॥తలఁచరో జనులు యీతని ...
1 year ago
1 comments:
బాగుందండి మీ వివరణ.బాలక్రిష్ణ ప్రసాద్ గారు ఈ వారం నేర్పించిన పాట.
Post a Comment