ఏ తీరుగ నను దయజూచెదవో

ఏ తీరుగ నను దయజూచెదవో - యినవంశోత్తమ రామా
నాతరమా భవసాగర మీదను - నళినదళేక్షణ రామా

శ్రీరఘునందన సీతారమణా - శ్రితజనపోషక రామా
కారుణ్యాలయ భక్తవరద నిను - గన్నది కానుపు రామా

మురిపెముతో నా స్వామివి నీవని - ముందుగ దెల్పితి రామా
మరువకయికనభిమానముంచునీ - మఱుగజొచ్చితిని రామా

క్రూరకర్మములు నేరక చేసితి - నేరములెంచకు రామా
దారిద్ర్యము పరిహారముసేవవె - దైవశిఖామణి రామా

గురుడవునామదిదైవమునీవను - నురుశాస్త్రంబులు రామా
గురువుదైవమనియెఱుగకతిరిగెడు - క్రూరుడనైతిని రామా

తాండవమున నఖిలాండకోటి - బ్రహ్మాండనాయకా రామా
బంధనమున నీ నామముదలచిన - బ్రహ్మానందము రామా

వాసవకమలభవామరవందిత - వారధిబంధన రామా
భాసురవరసద్గుణములు గల్గిన - భద్రాద్రీశ్వర రామా

వాసవనుత రామదాసపోషకా - వందనమయోధ్య రామా
దాసార్చిత మాకభయమొసంగవె - దాసరధీరఘురామా