పాహిమాం శ్రీరామా

పాహిమాం శ్రీరామా యంటే పలుకవైతివీ - నీ
స్నేహమెట్టిదని చెప్ప- నో హో హో హో  హో హో హో హో


ఇబ్బంది నొంది యాకరి - బొబ్బ వెట్టినంతలోనె
గొబ్బున గాచితివని - జబ్బుసేయక
నిబ్బరముగా నేనెంతో - కబ్బమిచ్చి వేడుకొన్న
తబ్బిబ్బుచేసెదవు రామ - అబ్బబ్బబ్బబ్బబ్బబ్బబ్బ || పాహి ||


సన్నుతించువారినేల్ల - మును దయతో బ్రోచితివని
పన్నగశాయి నే విని విన్నవించితివి
విన్నపము వినకయెంతో- కన్నడసేసెదవు రామ
యెన్నటికి నమ్మరాదు - రన్నన్నన్నన్నన్నన్నన్న  || పాహి ||


చయ్యన భద్రాచలనిలయస్వామివని నమ్మి నేను 
వెయ్యాఱు విధముల నుతి-చెయ్యసాగితి
ఇయ్యెడను రామదాసుని -కుయ్యాలించి ప్రోవకున్న నీ
యెయ్యూర మేమనవచ్చు - నయ్యయ్యయ్యయ్యయ్యయ్యయ్యయ్యో  || పాహి ||